နေ့ခွေးထိန်းကျောင်း
ဂျော်ဒန်နိုင်ငံ အာမန်မြို့တော်မှာ “Dogtopia” ဒေါ့တိုးပီးယားလို့ နာမည်ပေးထားတဲ့ နေ့ခွေးထိန်းကျောင်းရှိလို့ ခွေးမွေးထားပြီး အချိန်မပေးနိုင်တဲ့ ပိုင်ရှင်တွေအတွက် အထူး အဆင်ပြေပါတယ်။ ဂျော်ဒန်နိုင်ငံမှာ ခွေးတွေအတွက် နေရာလည်း သိပ်မရှိတော့ ဒီကျောင်းမှာက ခွေးတွေပြေးလွှား ကစားဖို့ နေရာလည်း ကျယ်ကျယ်ဝန်းဝန်း စီစဉ်ပေးထားပါတယ်။ ၂၀၂၀ ခုနှစ်မှာ စဖွင့်တာဖြစ်ပြီး ခွေးနဲ့ ပတ်သတ်တဲ့ ဝန်ဆောင်မှု အမျိုးမျိုးလည်း ရပါတယ်။ ခွေးတွေကို ပျော်အောင် ဆော့ပေးသလို၊ အခက်အခဲကျော်လွှားနိုင်အောင် လေ့ကျင့်ပေးတာ၊ ဆံပင်ညှပ် ရေချိုးပေးတာမျိုးအပြင် မွေးနေ့လည်း ကျင်းပပေးတာပါ။