D-Day နှစ် ၈၀ ပြည့် အထိမ်းအမှတ်

နာဇီလက်ထဲကနေ ဥရောပ လွတ်မြောက်ရေးအစပြုတဲ့ D-Day ဒီ-ဒေးကမ်းတက်တိုက်ပွဲ နှစ် ၈၀ ပြည့် အထိမ်းအမှတ်အဖြစ် အနောက်နိုင်ငံခေါင်းဆောင်တွေ ပြင်သစနိုင်ငံမြောက်ပိုင်း ကမ်းခြေမှာ အခမ်းအနား ကျင်းပခဲ့ပါတယ်။ အမေရိကန်သမ္မတ ဂျိုးဘိုင်ဒန်၊ ဗြိတိန် ဘုရင် တတိယမြောက်ချားလ်ဘုရင်နဲ့ ကနေဒါဝန်ကြီးချုပ် ဂျက်စတင် ထရူးဒိုးတို့ မဟာမိတ်တပ်ဖွဲ့တွေကို ကိုယ်စားပြုတက်ရောက်ပြီး နော်မန်ဒီကမ်းခြေ သဲသောင်ပြင်တွေပေါ်မှာ အသက်ပေါင်းများစွာ စတေးခဲ့ကြတဲ့ ထောင်သောင်းချီမဟာမိတ် တပ်သားတွေကို ဂုဏ်ပြု ဦးညွှတ်ခဲ့ပါတယ်။