လက်နက်ကိုင် ပဋိပက္ခ ဒေသတွေမှာ သွားရောက် သတင်းယူရတာဟာ အန္တရာယ်များပေမဲ့လို့ ဒေသခံပြည်သူတွေ ကြုံနေရတဲ့ ပကတိ အခြေအနေတွေကို အခက်အခဲတွေ ကြားကပဲ တင်ပြခွင့် ရခဲ့ပါတယ်လို့ တိုက်ပွဲတွေရှိနေတဲ့ ကရင်နီဒေသကို သိပ်မကြာခင်ကပဲ ကိုယ်တိုင် သွားရောက် သတင်းယူခဲ့တဲ့ မအင်ကြင်းနိုင်က ပြောပါတယ်။ စစ်ကောင်စီရဲ့ လေကြောင်း တိုက်ခိုက်မှုတွေနဲ့ အရပ်သား ထိခိုက် သေဆုံးမှုတွေကို ကိုယ်တိုင်တွေ့မြင် သတင်းယူခွင့် ရခဲ့တဲ့ ဗွီအိုအေ ဝိုင်းတော်သူ မအင်ကြင်းနိုင်ရဲ့ အတွေ့အကြုံ တချို့ကို ဒီသီတင်းပတ် အမျိုးသမီးကဏ္ဍမှာ မခင်ဖြူထွေးက မေးမြန်း တင်ဆက်ထားပါတယ်။