ဘင်္ဂလားဒေ့ရှ် ဝန်ကြီးချုပ် Sheikh Hasina ရာထူးက နုတ်ထွက်ခဲ့ရတဲ့ ပြည်တွင်းဆန္ဒပြပွဲတွေအပြီး အကြမ်းဖက်မှုတွေနဲ့ နိုင်ငံရေးရုန်းရင်းဆန်ခတ်တွေကနေ လွတ်အောင် နယ်စပ်ဖြတ်ကျော်ဖို့ ကြိုးစားခဲ့ကြတဲ့ ဘင်္ဂလားဒေ့ရှ် နိုင်ငံသား တဒါဇင်နီးပါးကို အိန္ဒိယကဖမ်းဆီးလိုက်ကြောင်း နယ်စပ်အာဏာပိုင်တွေက ပြောပါတယ်။
ရန်ကုန်မြို့မှာ ဖွင့်လှစ်ထားတဲ့ AEON Orange အရောင်းဆိုင် ဒါရိုက်တာ အသက် ၅၃ နှစ်အရွယ် Hiroshi Kasamatsu ကို တရားရုံးက ထောင်ဒဏ် ၁ နှစ် စီရင်ချက် ချလိုက်ကြောင်း သတင်းတွေ ထွက်ပေါ်ခဲ့အပြီး အခုလို ပြန်လွှတ်ပေးလိုက်တာ ဖြစ်ပါတယ်။
ပဲ့ထိန်းဒုံးကျည်တပ်ဆင်ထားတဲ့ ရေငုပ်သင်္ဘောတစင်းနဲ့ တိုက်ခိုက်ရေးလေယာဉ်တွေကို တင်ဆောင်ထားတဲ့ USS Abraham Lincoln လေယာဉ်တင် သင်္ဘောကို အရှေ့အလယ်ပိုင်းဒေသကို အမြန်ဆုံးစေလွှတ်သွားမယ်လို့ အမေရိကန် ကာကွယ်ရေးဝန်ကြီး Lloyd Austin က တနင်္ဂနွေနေ့က ပြောပါတယ်။
နေပြည်တော်အကျဉ်းထောင်မှာ ဖမ်းဆီးထိန်းသိမ်းခံထားရတယ်လို့ ယူဆရတဲ့နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို တွေ့ဆုံဖို့ စစ်ကောင်စီဘက်က မကြာသေးခင်ရက်တွေက အပါအဝင် ၃ ကြိမ်ခန့် ကြိုးစားခဲ့ကြောင်း နေပြည်တော်နဲ့နီးစပ်တဲ့အသိုင်းအဝိုင်းက ဗွီအိုအေကိုပြောပါတယ်။
မြန်မာနိုင်ငံအပါအဝင် ကမ္ဘာတဝန်း လက်နက်ကိုင် ပဋိပက္ခတွေကြားမှာ စစ်မြေပြင်အတွင်း ထိခိုက်ဒဏ်ရာရသူတွေ၊ သုံ့ပန်းတွေနဲ့ အရပ်သားတွေကို အကာအကွယ်ပေးရေး နိုင်ငံတကာ သဘောတူညီချက်တွေကို မသိကျိုးကျွံ ပြုနေကြတဲ့အကြောင်း ICRC နိုင်ငံတကာ ကြက်ခြေနီအသင်းကြီးရဲ့ အကြီးအကဲက ပြောဆိုပါတယ်။
CLAWS လို့ အတိုကောက်ခေါ်တဲ့ စိုက်ပျိုးရေးသုံး စက်ရုပ်ဟာ စိုက်ကွင်းထဲမှာ အစုံအဆန်မောင်းနှင်ပြီး မီးလေဆာရောင်ခြည်သုံးကာ အပင်တွေ၊ မြေဆီလွှာတွေကို မထိခိုက်စေပဲ ပေါင်းမြက်တွေကို ရှင်းလင်းသတ်ပစ်နိုင်ပါတယ်။ Reuters သတင်းဌာနက Arrthy Thayaparan သတင်းပေးပို့ထားတာကို ကိုခင်မောင်စိုးမင်း က ပြောပြပါမယ်။
ရီပတ်ဘလစ်ကန်သမ္မတလောင်း Donald Trump က သူ့ရဲ့ အင်တာနက်စာမျက်နှာ ဖေါက်ထွင်းခိုးယူခံရကြောင်း ပြောပါတယ်။ ဒုသမ္မတ Kamala Harris နဲ့ ဒီမိုကရက် ဒုသမ္မတလောင်း အဖြစ် ရွေးချယ်ထားသူ Tim Walz တို့ဟာ ခုအခါ လှည့်လည် မဲဆွယ်စည်းရုံးနေပြီး စီးပွားရေးမူဝါဒနဲ့ ပတ်သတ်လို့ အဓိကထား ပြောဆိုရှင်းလင်းပါတယ်။
လျှပ်စစ်ဓာတ်အား ၂၂၅ မီဂါဝပ် ထုတ်လုပ်နေတဲ့ သဘာဝဓာတ်ငွေ့သုံး စက်ရုံလုပ်ငန်းတွေကို နယ်မြေလုံခြုံရေး အခြေအနေအရ ဆိုင်းငံ့လိုက်ပြီး၊ လုံခြုံမှုရှိပြီး သင့်တော်တဲ့အချိန်မှာ ပြန်လည်ပတ်မှာဖြစ်ကြောင်း ကုမ္ပဏီက ကြေညာချက်မှာ ဖော်ပြခဲ့တာပါ။
ရှမ်းပြည်နယ်မြောက်ပိုင်း နောင်ချိုနဲ့ သီပေါမြို့နယ်တွေမှာတိုက်ပွဲတွေ ဆက်လက် ပြင်းထန်နေပြီး စစ်ကောင်စီက လေကြောင်းက ဗုံးကြဲတိုက်ခိုက်တာကြောင့် နောင်ချိုမြို့နယ်က အနည်းဆုံး ကျေးရွာ ၈ရွာက အရပ်သားတွေ ဘေးလွတ်ရာ တိမ်းရှောင်နေကြရပါတယ်။
ရခိုင်ပြည်နယ်တောင်ပိုင်း သံတွဲမြို့အနီး စစ်ကောင်စီ လက်ကျန် ရေတပ်စခန်းကို အာရက္ခတပ်တော်AA က ဆက်လက် ထိုးစစ်ဆင်နေပြီး၊ တချိန်တည်းမှာပဲ ကပ်လျက်ရှိနေတဲ့ ဂွမြို့နယ်မှာလည်း တိုက်ပွဲတွေ ပြင်းထန်နေတယ်လို့ ဒေသခံတွေနဲ့ အကဲခတ်တွေက ပြောပါတယ်။
ယူကရိန်းတောင်ပိုင်းက ရုရှားသိမ်းပိုက်ထားတဲ့ Zaporizhzhia နျူကလီးယားဓာတ်အားပေးစက်ရုံ တနင်္ဂနွေညက မီးလောင်မှုနဲ့ပတ်သက်ပြီး ရုရှားနဲ့ ယူကရိန်း တဘက်နဲ့ တဘက် အပြန်အလှန် စွပ်စွဲနေကြပါတယ်။
နယ်စပ်ကုန်သွယ်ရေးမှာ အဓိကကျတဲ့ မူဆယ်မြို့မှာ ဆိုရင်လည်း နယ်မြေမတည်ငြိမ်မှုတွေ၊ စီးပွားရေးနဲ့ ငွေကြေးပြဿနာတွေကြောင့် တရုတ်နိုင်ငံကို သွားရောက်သူတွေ တနေ့တခြား များလာနေတယ်လို့လည်း ပြောပါတယ်။
ဂါဇာဒေသမှာ အပစ်အခတ်ရပ်စဲဖို့၊ ဟားမတ်စ်အဖွဲ့က ဖမ်းဆီးထားတဲ့ ဓားစာခံတွေကို ပြန်လွှတ်ပေးဖို့နဲ့ စာနာမှု အကူအညီတွေကို အကန့်အသတ်မရှိ ပေးအပ်ခွင့်ရှိဖို့ တောင်းဆိုချက်တွေကို ပြင်သစ်၊ ဂျာမနီနဲ့ ဗြိတိန်နိုင်ငံခေါင်းဆောင်တွေက ပူးတွဲ ထောက်ခံလိုက်ပါတယ်။
ဒီမိုကရက်တစ်ပါတီ ဒုသမ္မတလောင်း Tim Walz ရဲ့ တရုတ်ပြည်အတွေ့အကြုံတွေဟာ သူ ဒုသမ္မတ ဖြစ်လာတဲ့အခါ အသုံးဝင်လာနိုင်ပါတယ်။ တရုတ်နိုင်ငံနဲ့ ပတ်သက်ပြီး Walz ရဲ့ ရပ်တည်ချက် နဲ့ ပတ်သက်ပြီး Anita Powell နဲ့ Paris Huang တို့ တင်ပြထားပါတယ်။ကိုငြိမ်းချမ်း က တင်ပြမှာပါ။
ပြင်သစ်နိုင်ငံ ပဲရစ်မြို့မှာ သီတင်းနှစ်ပတ်ကျော်ကြာခဲ့တဲ့ အိုလံပစ်အားကစားပြိုင်ပွဲ ပိတ်ပွဲအခမ်းအနားကျင်းပခဲ့ပြီး အိုလံပစ်အားကစားပွဲအလံကို ၂၀၂၈ နွေရာသီ အိုလံပစ်အားကစားပွဲကို လက်ခံကျင်းပမယ့် Los Angelese မြို့ဝန်ထံ လွှဲပြောင်းခဲ့ပါတယ်။
အစ္စရေးရဲ့ရန်သူတွေဟာ အရင်ကမလုပ်ဖူးတဲ့ အန္တရာယ်မျိုးနဲ့ အစ္စရေးကို အန္တရာယ်ပြုဖို့ ခြိမ်းခြောက်နေတယ်လို့ အစ္စရေး ကာကွယ်ရေးဝန်ကြီး Yoav Gallant က ပြောပါတယ်။ အစ္စရေးနိုင်ငံတွင်း စစ်စခန်းတခုမှာ အစ္စရေးကာကွယ်ရေး တပ်ဖွဲ့ဝင် သစ်တွေကို အစ္စရေးကာကွယ်ရေးဝန်ကြီးက တနင်္ဂနွေနေ့က သွားရောက်မိန့်ခွန်းပြောခဲ့တာပါ။
ပြင်သစ်နိုင်ငံ၊ ပဲရစ်မြို့မှာကျင်းပနေတဲ့ ၂၀၂၄ အိုလံပစ် ပိတ်ပွဲအခမ်းအနားကို ပြင်သစ်နိုင်ငံ အမျိုးသားအားကစားရုံမှာ ကျင်းပခဲ့ပါတယ်။
ဂရိနိုင်ငံမြို့တော်အနီး တောမီးဟာ ရာသီဥတုအပူနဲ့ လေတိုက်မှုကြောင့် အလျင်အမြန်ကြီးထွားတာကို မီးသတ်တပ်ဖွဲ့တွေက ထိန်းချုပ်နိုင်ဖို့ ကြိုးပမ်းနေကြပါတယ်။ တောမီးကြောင့် ဂရိမြို့တော် အေသင်တဝိုက် မီးခိုးတိမ်တွေလွှမ်းခြုံနေပြီး အေသင်မြို့နားက Varnava ကျေးရွာမှာ ဒေသခံတွေ အိုးအိမ်စွ့န်ခွာ တိမ်းရှောင်ကြရပါတယ်။
ရုရှား အနောက်ခြမ်း Kursk ဒေသမှာ နေရာ ရုရှား-ယူကရိန်းနယ်စပ်ကနေ အတွင်းပိုင်း ကီလိုမီတာ ၃၀ အထိ ယူကရိန်းတပ်တွေ ဝင်လာတာကိုတားခဲ့တယ်လို့ ရုရှားက ပြောပါတယ်။ ပြီးခဲ့တဲ့ ၆ ရက်အတွင်း ရုရှားနိုင်ငံထဲ ယူကရိန်းတပ်တွေ ဝင်တိုက်ခဲ့တာကို ယူကရိန်းသမ္မတ Zelenskyy ကလည်း ပထမဆုံးအကြိမ် သွယ်ဝိုက်ပြီး ဝန်ခံခဲ့ပါတယ်။
မန္တလေးတိုင်း မြင်းခြံခရိုင် နွားထိုးကြီးမြို့ပေါ်က စစ်တပ် တပ်စွဲထားတဲ့ ထွေအုပ်ရုံး ၊ ရဲစခန်း ၊ ဆောက်လုပ်ရေးရုံးနဲ့ မြို့နဲ့ ၁ မိုင်ခွဲအကွာက တရုတ်ရေနံပိုက်လိုင်းစောင့်တဲ့ ရဲကင်းတို့ကို ကာကွယ်ရေးတပ်ဖွဲ့တွေက မနေ့က စတင်တိုက်ခိုက်ခဲ့တယ်လို့ မြေပြင်အခြေအနေ သိရှိတဲ့ ဒေသခံတွေက ဗွီအိုအေကို ပြောပါတယ်။
နောက်ထပ်ကြည့်ရှုရန်
