မြန်မာနိုင်ငံ ပြည်နယ်နဲ့ တိုင်း ၅ ခုက သိန်းနဲ့ချီတဲ့ ရေဘေးသင့်သူတွေအတွက် ကူညီကယ်ဆယ်ရေးလုပ်ငန်းတွေနဲ့ စားနပ်ရိက္ခာ အကူအညီတွေပေးနေကြောင်း ကုလသမဂ္ဂ ကမ္ဘာ့စားနပ်ရိက္ခာအစီအစဉ် (WFP) က ပြောလိုက်ပါတယ်။
နိုင်ငံအနှံ့ လက်နက်ကိုင် ပဋိပက္ခတွေမှာ အရေးနိမ့်လာချိန် စစ်ကောင်စီအကြီးအကဲက မိန့်ခွန်းပြောရာမှာ အတိုက်အခံ လက်နက်ကိုင် အင်အားစုတွေကို ပြင်းပြင်းထန်ထန် တိုက်ခိုက်ပြောဆိုခဲ့အပြီး ထွက်ပေါ်လာတဲ့ လှုပ်ရှားမှုတွေဟာ အကျိုးမရှိနိုင်ဘူးလို့လည်း ပြောကြပါတယ်။
အမေရိကန်၊ ကနေဒါ၊ ဩစတြေးလျတို့နဲ့အတူ ဖိလစ်ပိုင်နိုင်ငံက ၂ ရက်ကြာ ရေကြောင်းနဲ့ လေကြာင်းဆိုင်ရာ စစ်ရေးလေ့ကျင့်မှုတွေ ဒီကနေ့ ဩဂုတ်လ ၇ ရက်နေ့မှာ စတင်ပြုလုပ်ကြောင်း ပူးတွဲ ကြေညာချက်မှာ ဖော်ပြထားပါတယ်။
ရှမ်းပြည်နယ်တောင်ပိုင်း ဆီဆိုင်မြို့နယ်မှာ စစ်ကောင်စီနဲ့ ၂ ရက်ဆက်တိုက် တိုက်ပွဲတွေ ဖြစ်ပွားနေတယ်လို့ PNLA ပအိုဝ်းတိုင်းရင်းသား လက်နက်ကိုင် အဖွဲ့က ပြောပါတယ်။ တိုက်ပွဲတွေအတွင်း ဒေသခံတချို့ ထိခိုက်သေဆုံးမှုတွေ ရှိနေသလို၊ လုံခြုံရေးစိုးရိမ်မှုကြောင့် ထွက်ပြေးတိမ်းရှောင်သူတွေလည်း ရှိနေတာပါ။
ဗြိတိန်နိုင်ငံမှာ မူဆလင် ဆန့်ကျင်ရေး အဓိကရုဏ်းတွေ နောက်ထပ် ထပ်ပေါ်ပေါက်နေတာကြောင့် ရဲတပ်ဖွဲ့က နှိမ်နှင်းနေပါတယ်။ တိုင်းပြည်တဝန်း နိုင်ငံရေး ခိုလှုံခွင့်လျှောက်ထားတဲ့ ရုံးတွေနဲ့ ရွှေ့ပြောင်းဝင်လာသူတွေကို ကူညီပေးနေတဲ့ ရှေ့နေ ရုံးတွေကို တိုက်ခိုက်မယ်ဆိုပြီး လက်ယာစွန်းအဖွဲ့တွေက ခြိမ်းခြောက်နေပါတယ်။
အမေရိကန်သမ္မတလောင်းတွေဟာ လာမယ့် နိုဝင်ဘာလမှာကျင်းပမယ့် ရွေးကောက်ပွဲမှာ အဆုံးအဖြတ်ပေးနိုင်ခြေရှိတဲ့ ပြည်နယ်တွေကို အာရုံစိုက်ပြီး အခုသီတင်းပတ်အတွင်း မဲဆွယ် စည်းရုံးနေကြပါတယ်။
ထိုင်းနိုင်ငံရဲ့ အဓိက အတိုက်အခံပါတီဖြစ်တဲ့ Move Forward Party ကို ဖျက်သိမ်းဖို့ ထိုင်းနိုင်ငံ ဖွဲ့စည်းပုံအခြေခံဥပဒေတရားရုံးက ဒီနေ့ ဆုံးဖြတ်လိုက်ပါတယ်။ ပါတီခေါင်းဆောင် Pita Limjaroenrat နဲ့ တခြား ထိပ်တန်းခေါင်းဆောင် ၁၀ ယောက်ကိုလည်း ရွေးကောက်ပွဲမှာ ပါဝင်ခွင့် ၁၀ နှစ်ပိတ်ပင်လိုက်ပါတယ်။
စစ်ပွဲတွေဖြစ်ပွားနေတဲ့ မြန်မာနိုင်ငံက ထွက်ပြေးလာတဲ့ ရိုဟင်ဂျာ ၂၉ ဦး စီးနင်း လိုက်ပါလာတဲ့ လှေ နစ်မြုပ်သွားတာလို့ ဘင်္ဂလားဒေ့ရှ် Teknaf ဒေသ အုပ်ချုပ်ရေးကောင်စီဝင် Rashid Mia က AFP သတင်းဌာနကို ပြောပါတယ်။
ရီပါဗလစ်ကန် ပါတီ သမ္မတလောင်း Donald Trump တို့ သမ္မတရွေးကောက်ပွဲမှာ ယှဉ်ပြိုင်ဖို့ အလားအလာ များလာတာနဲ့ အမျှ ဒုသမ္မတ Harris ရဲ့ ယူကရိန်း နဲ့ အစ္စရေး အပေါ် စစ်ရေး အရ ထောက်ခံမှု၊ တရုတ်အရေး နဲ့ တောင်ပိုင်းနယ်စပ် က ရွှေ့ပြောင်းအခြေသူတွေရဲ့ အရေး ရပ်တည်ချက်တွေကို ဆန်းစစ်မှုတွေ တိုးလာနေပါတယ်။
ငြိမ်းချမ်းရေး နိုဘယ်ဆုရှင် Muhammad Yunus ဟာ ဘင်္ဂလားဒေ့ရှ် ကြားဖြတ်အစိုးရကို ဦးဆောင်မယ်လို့ ဗုဒ္ဓဟူးနေ့ အစောပိုင်းမှာ သမ္မတပြောရေးဆိုခွင့်ရှိသူက ကြေညာလိုက်ပါတယ်။
"တချို့ရက်တွေမှာကတော့ လေယာဉ်နဲ့ ဗုံးကြဲတာရှိသလို တချို့ရက်တွေမှာ ဒရုန်းနဲ့ကြဲတာရှိတယ်၊ တချို့ရက်တွေက လက်နက်ငယ်နဲ့ပေါ့နော် အဲ့လိုပုံစံနဲ့ ရှိပါတယ်။ လောလောဆယ်ကတော့ ဒီလွိုင်ကော်မြို့အပြင် တချို့မြို့နယ်မှာလည်း ကြိုကြားကြိုကြား ထိတွေ့မှုတွေ ရှိပါတယ်။" (ကိုဗညား-IEC အတွင်းရေးမှူး (၂)
မြန်မာနိုင်ငံဟာ ကမ္ဘာ့ပဋိပက္ခအညွှန်းကိန်းအဆင့် နံပါတ် (၂) မှာရှိပြီး မြန်မာ့ပြည်တွင်းစစ်ဟာ ကမ္ဘာမှာ တတိယ အသေအပျောက်အများဆုံးဖြစ်တယ်လို့ လက်နက်ကိုင်ပဋိပက္ခတွေကို စောင့်ကြည့်လေ့လာနေတဲ့ ACLED အဖွဲ့ က ဩဂုတ်လ ၆ ရက်နေ့ နှစ်ပတ်လည် သုံးသပ်ချက်ပုံပြမှာ ပြောပါတယ်။
ကာကွယ်ရေးတပ်ဖွဲ့တွေ ထိန်းချုပ်ကြောင်းကြေညာထားတဲ့ စဉ့်ကူးမြို့နယ်ထဲက ကျေးရွာတွေကို စစ်ကောင်စီရဲ့ ၃ ရက်ဆက်တိုက် လေကြောင်းတိုက်ခိုက်မှုအတွင်း ဒေသခံတဒါဇင်ကျော် သေဆုံးခဲ့ကြောင်းနဲ့ မတ္တရာမြို့နယ်ထဲမှာလည်း စစ်ကောင်စီရဲ့လေကြောင်းတိုက်ခိုက်မှုကြောင့် ဒေသခံ သုံးဦးထိခိုက်ဒဏ်ရာရတယ်လို့ ဒေသခံတွေကပြောပါတယ်။
ကမ္ဘာကျော် ဘောလုံးသမား လီယွန်နယ် မက်ဆီရဲ့ အိမ်စည်းရိုး တံတိုင်း ဩဂုတ်လ ၆ ရက်နေ့က ဆေးနဲ့မှုတ်ခံရ ပါတယ်။ စပိန်နိုင်ငံက နာမည်ကျော် အပန်းဖြေကမ်းခြေကျွန်းဖြစ်တဲ့ အစ်ဘီဇာကျွန်းက လီယွန်နယ် မက်ဆီရဲ့ ခြံတံတိုင်းကို ဥတုရာသီထိန်းသိမ်းရေး လှုပ်ရှားသူတွေရဲ့ Futuro Vegetal အဖွဲ့ဝင်တွေ ဆေးနဲ့မှုတ်ခဲ့တာပါ။
ရီပတ်ဘလစ်ကန် ဒုသမ္မတလောင်း JD Vance ဟာ Yale တက္ကသိုလ်က ဥပဒေဘွဲ့ရရှိခဲ့ပြီး သူ့ဇနီး Usha နဲ့ Yale မှာ တွေ့ဆုံခဲ့တာပါ။ Usha ဟာ အိန္ဒိယက ရွှေ့ပြောင်းအခြေချသူ ပထမမျိုးဆက် မိဘတွေက ဆင်းသက်လာသူဖြစ်ပြီး အခုအခါမှာ ဝါရှင်တန်ဒီစီနဲ့ ကယ်လီဖိုးနီးယားက ထိပ်တန်း ရှေ့နေအဖွဲ့တွေကနေ နုတ်ထွက်ခဲ့ပါတယ်။
မြန်မာနိုင်ငံမှာ လက်ရှိ ပေါ်ပေါက်နေတဲ့ လက်နက်ကိုင် ပဋိပက္ခတွေအတွက် အတိုက်အခံ လက်နက်ကိုင် အင်အားစုတွေကို စစ်ကောင်စီအကြီးအကဲက အပြစ်ဖို့လိုက်တဲ့အပေါ် အကဲခတ်တွေက ဝေဖန်လိုက်ကြပါတယ်။
လာမယ့် နိုဝင်ဘာလ အမေရိကန်သမ္မတရွေးကောက်ပွဲမှာ ရီပတ်ဘလစ်ကန်ပါတီ သမ္မတလောင်း Donald Trump နဲ့ ယှဉ်ပြိုင်ရာမှာ ဒီမိုကရက်တစ်ပါတီ ဒုသမ္မတလောင်းအဖြစ် Minnesota ပြည်နယ် အုပ်ချုပ်ရေးမှူး Tim Walz ကို ဒုသမ္မတ Kamala Harris က ရွေးချယ်လိုက်ကြောင်း အမေရိကန်သတင်းဌာနတွေက ဖော်ပြနေကြပါတယ်။
နေအိမ်အကျယ်ချုပ်နဲ့ နှစ်အတန်ကြာ ထိန်းသိမ်းခံထားရတဲ့ ဘင်္ဂလားဒေ့ရှ် ဝန်ကြီးချုပ်ဟောင်း Khaleda Zia ကို ဒီကနေ့ ဩဂုတ်လ ၆ ရက်နေ့မှာ ပြန်လွှတ်ပေးလိုက်ပါပြီ။
ဒီမိုကရက်ပါတီ သမ္မတလောင်း ဒုသမ္မတ ကမ်မလာဟဲရစ် (Kamala Harris) ဟာ သူ့ရဲ့ ဒုသမ္မတလောင်း ဘယ်သူဆိုတာ ဒီကနေ့ ဩဂုတ်လ ၆ ရက်နေ့မှာ ကြေညာဖို့ ရှိနေပါတယ်။
မြန်မာနိုင်ငံမှာ တိုက်ပွဲတွေကြောင့် နယ်စပ်ကုန်သွယ်ရေး ရပ်ဆိုင်းလုနီးပါးဖြစ်နေသလို နိုင်ငံခြားငွေနဲ့ လဲလှယ်ရာမှာ မြန်မာကျပ်ငွေတန်ဖိုး စံချိန်တင် ကျဆင်းလာတဲ့အတွက် သွင်းကုန်တွေဈေးကြီးပြီး ပစ္စည်းပြတ်လပ်တာမျိုးတွေ ရှိနေတယ်လို့ အသေးစား၊ အလတ်စား လုပ်ငန်းရှင်တချို့က ပြောပါတယ်။
နောက်ထပ်ကြည့်ရှုရန်
![ရှေ့တန်း စစ်မျက်နှာရောက် ကရင်နီအမျိုးသားများကာကွယ်ရေးတပ်(KNDF) တပ်ဖွဲ့ဝင်များ။ [Photo Courtesy: KNDF]](https://d235zlnj6698s6.cloudfront.net/01000000-0aff-0242-a875-08dca2c3f2b6_w100_r1.jpg)
![ရှေ့တန်း စစ်မျက်နှာရောက် ကရင်နီအမျိုးသားများကာကွယ်ရေးတပ်(KNDF) တပ်ဖွဲ့ဝင်များ။ [Photo Courtesy: KNDF]](https://d235zlnj6698s6.cloudfront.net/01000000-0aff-0242-a875-08dca2c3f2b6_w66_r1.jpg)
