ဒီမိုကရက်ပါတီသမ္မတလောင်း ဖြစ်နိုင်ခြေရှိတဲ့ Kamala Harris နဲ့အတူ ရွေးကောက်ပွဲမှာ ဒုသမ္မတလောင်းအဖြစ် ယှဉ်ပြိုင်ဖို့ လျာထားခံရသူတွေ စာရင်းထဲကနေ မြောက် Carolina ပြည်နယ် အုပ်ချုပ်ရေးမှူး Roy Cooper နဲ့ Michigan ပြည်နယ် အုပ်ချုပ်ရေးမှူး Gretchen Whitmer တို့၂ ဦး မနေ့ကပဲ နုတ်ထွက်သွားပါတယ်။
ဗင်နီဇွဲလားနိုင်ငံက တနင်္ဂနွေနေ့ ရွေးကောက်ပွဲမှာ လက်ရှိသမ္မတ Nicolás Maduro ကို ပြိုင်ဖက် Edmundo Gonzalez က အနိုင်ရခဲ့တဲ့ အထောက်အထားတွေ ရှိတယ်လို့ အတိုက်အခံတွေက ပြောဆိုလိုက်သလို၊ ရွေးကောက်ပွဲ ရလဒ်ကို မကျေနပ်လို့ ဆန္ဒပြရာက အသေအပျောက်တွေလည်း ရှိနေပါတယ်။
အိန္ဒိယနိုင်ငံက လက်ဖက်အများဆုံးထွက်တဲ့ ဒေသတခုဖြစ်တဲ့ Kerala(ကယ်ရယ်လာ) ပြည်နယ်မှာ မိုးသည်းထန်စွာရွာသွန်းခဲ့တာကြောင့် ဒီကနေ့ ဇူလိုင် ၃၀ ရက်နေ့မှာရရှိတဲ့ စာရင်းအရ အနည်းဆုံး လူ ၆၃ ဦးသေဆုံးပြီး ရွှံ့တွေ၊ အဆောက်အဦပျက်တွေအောက်က အနည်းဆုံး လူ ၂၅၀ လောက်ကို ကယ်တင်ခဲ့ရတယ်လို့ အာဏာပိုင်တွေက ပြောပါတယ်။
ဘင်္ဂလားဒေ့ရှ်နိုင်ငံမှာ ဆန္ဒပြသူတွေကို အာဏာပိုင်တွေက အင်အားအလွန်အကျွံသုံး ဖြိုခွင်းခဲ့တဲ့အပေါ် EU နိုင်ငံခြားမူဝါဒရေးရာအကြီးအကဲ Josep Borrell က ဒီကနေ့ ဇူလိုင် ၃၀ ရက်နေ့မှာ ပြစ်တင် ရှုတ်ချလိုက်ပါတယ်။ ရဲတပ်ဖွဲ့နဲ့ ဆေးရုံကနေ AFP သတင်းဌာနက ရရှိခဲ့တဲ့ အချက်အလက်တွေအရ အနည်းဆုံး လူ ၂၀၆ ဦး သေဆုံးခဲ့တာပါ။
အမေရိကန်ပြည်ထောင်စုက ဂျာမနီမှာ ဒုံးကျည်တွေ ထားဖို့အစီအစဉ်ကို တုံ့ပြန်တဲ့အနေနဲ့ ရုရှားသမ္မတပူတင်ကလည်း ဒုံးလက်နက်သစ်တွေ ထားနိုင်တဲ့အကြောင်း ပြောပါတယ်။ စစ်အေးခေတ်သဘောတူစာချုပ်နဲ့ တားမြစ်ထားခဲ့တဲ့ တာလတ်ပစ်လက်နက်စနစ်တွေ ပြန်တပ်ဆင်ဖို့ နှစ်နိုင်ငံလုံး အဆင်သင့်ဖြစ်နေပြီဆိုတဲ့အကြောင်း အချက်ပြထားပါတယ်။
မဟာတင်းနစ်သမားကြီးတွေဖြစ်ကြတဲ့ နိုဗက် ဂျိုကိုးဗစ် နဲ့ Rafael Nadal တို့ ဟာ အကြိမ် ၆၀ မြောက်အဖြစ် ပါရီအိုလံပစ်ပြိုင်ပွဲမှာတွေ့ဆုံခဲ့ကြပြီး ဂျိုကိုးဗစ်က အနိုင်ရရှိသွားပါတယ်။ ဒီတွေ့ဆုံပွဲ ဟာ စံချိန်တင်တွေ့ဆုံပွဲဖြစ်သလို သူတို့ ၂ ယောက်ရဲ့ နောက်ဆုံးတွေ့ဆုံတဲ့ပွဲလည်း ဖြစ်ကောင်းဖြစ်မှာပါ။
ဗင်နီဇွဲလားသမ္မတရွေးကောက်ပွဲမှာ လက်ရှိသမ္မတ Nicolas Maduro အနိုင်ရတယ်လို့ ရွေးကောက်ပွဲအာဏာပိုင်တွေက ကြေညာပေမယ့် အမေရိကန်ပြည်ထောင်စုနဲ့ လက်တင်အမေရိကန်တိုင်းပြည်အတော်များများကတော့ ရလဒ် တရားဝင်မှုအပေါ် မေးခွန်းထုတ်ကြပါတယ်။
အမေရိကန်တရားရုံးချုပ်စနစ်ကို ပြန်လည်ပြုပြင်မယ့်အစီအစဉ်တွေကို ၆ လသက်တမ်းပဲကျန်တော့တဲ့ သမ္မတ Joe Biden က ချပြခဲ့ပါတယ်။ တရားရုံးချုပ် တရားသူကြီး ၉ ဦးကို တသက်လုံးသက်တမ်းနဲ့ထမ်းဆောင်ခွင့်ကနေ ၁၈ နှစ်သက်တမ်းပဲထားဖို့နဲ့ တရားရုံးချုပ်ဆိုင်ရာလိုက်နာရမယ့်ကျင့်ဝတ်တွေ သတ်မှတ်ဖို့ ဒီ အဆိုပြုချက်ထဲ ပါဝင်ပါတယ်။
အမေရိကန်အနေနဲ့ ယူကရိန်းကို စစ်ရေးအကူအညီ အမေရိကန်ဒေါ်လာ ၁. ၇ ဘီလီယံ ကူညီသွားမယ်လို့ တာဝန်ရှိသူတွေက ကြေညာပါတယ်။ ဒီအထဲမှာ လေကြောင်းကာကွယ်ရေးစနစ်အတွက် ခဲယမ်းတွေ၊ အမြောက်လက်နက်ကြီး၊ တင့်ကားနဲ့ သင်္ဘောဖျက်ဒုံးကျည်တွေ ပါဝင်မယ်လို့ သိရပါတယ်။
မြန်မာနိုင်ငံမှာ ၂၀၂၁ ခုနှစ် စစ်တပ်က အာဏာသိမ်းပြီးနောက်ပိုင်း အကြမ်းဖက်မှုနဲ့ ပဋိပက္ခတွေ တိုးလာနေတဲ့အပေါ် စိုးရိမ်မိကြောင်း ကုလသမဂ္ဂ ကျွမ်းကျင်သူတွေက ဒီကနေ့ပဲ သတိပေးလိုက်ပါတယ်။
ရီပတ်ဘလစ်ကန်သမ္မတလောင်း ဒေါ်နယ်ထရမ့်နဲ့ ဒီမိုကရက် သမ္မတလောင်းလည်းဖြစ် လက်ရှိ ဒု သမ္မတလည်းဖြစ်တဲ့ ကမ်မလာ ဟဲရစ်စ်တို့ဟာ ဘယ်သူ့ကို မဲပေးရမလဲဆိုတာ ဝေခွဲမရဖြစ်နယ်တဲ့ ပြည်နယ်တွေကို ဦးတည်ထား စည်းရုံးနေတဲ့ တချိန်တည်းမှာ အားနည်းချက်တွေနဲ့ ပတ်သတ်လို့ အပြန်အလှန် ထောက်ပြ အပြစ်တင်နေကြပါတယ်။
လာမယ့် အမေရိကန်သမ္မတ ရွေးကောက်ပွဲမှာ ထောက်ခံမှုရဖို့ အကြိတ်အနယ် ကြိုးစားနေရတဲ့ ပြည်နယ်တွေမှာ အာရပ်နွယ်ဖွား အမေရိကန်တွေရဲ့ ထောက်ခံမှုရဖို့ ဒီမိုကရက်တစ်ပါတီ သမ္မတလောင်း ဖြစ်လာနိုင်ခြေရှိတဲ့ ဒုသမ္မတ Kamala Harris ကပြင်ဆင် နေပါတယ်။
ဘင်္ဂလားဒေ့ရှ် နိုင်ငံမှာဖြစ်ခဲ့တဲ့ ဆန္ဒပြပွဲတွေမှာ အသက်သေဆုံးတဲ့အထိ နှိမ်နင်းခဲ့တာကို တောင်းပန်ဖို့နဲ့ ဆန္ဒပြခေါင်းဆောင်တွေကို လွှတ်ပေးဖို့အတွက် တောင်းဆိုထားတာကို ဝန်ကြီးချုပ် Sheikh Hasina အပါအဝင် အစိုးရခေါင်းဆောင်တွေက လျစ်လျူရှုနေတဲ့အတွက် ဆန္ဒပြပွဲတွေ ပြန်လုပ်ဖို့ ကျောင်းသားတွေက လှုံ့ဆော်နေပါတယ်။
မကြာသေးခင်က မိုးအဆက်အပြတ် ရွာသွန်းမှုတွေကြောင့် မြန်မာနိုင်ငံ နေရာတော်တာ်များများမှာ ရေဘေးဒဏ် ခံနေရပြီး ပဲခူးမြို့မှာ ဆိုရင်လည်း လူနေအိမ်တွေ၊ လမ်းတွေပေါ်အထိ ရေလွှမ်းမိုးနေတယ်လို့ မြို့ခံတွေက ပြောပါတယ်။
မြောက်ကိုရီးယားမှာ ရေကြီးရေလျှံတာကြောင့် လူပေါင်း ၅၀၀၀ လောက်ကို ကယ်ဆယ်ပေးခဲ့တယ်လို့ မြောက်ကိုရီးယား နိုင်ငံ သတင်းဌာန KCNA က ဒီကနေ့ တနင်္လာနေ့မှာ ကြေညာပါတယ်။ စနေနေ့က မိုးသည်းထန်ရွာတာကြောင့် မြောက်ကိုရီးယားနဲ့ တရုတ်နယ်ခြား သတ်မှတ်ထားတဲ့ မြစ်ရေ လျှံတက်လာပြီး ရေဘေးသင့်ခဲ့တာပါ။
ရှမ်းပြည်နယ်မြောက်ပိုင်း လားရှိုးမြို့မှာ တလနီးပါး တိုက်ပွဲတွေ ပြင်းထန်နေပြီး ထိခိုက်သေဆုံးသူတွေ ရှိနေသလို၊ မြို့ခံတွေကို ဘေးလွတ်ရာ ထွက်ခွာဖို့ သတိပေးတာတွေ ရှိနေပါတယ်။
မြန်မာနိုင်ငံမှာ နိုင်ငံရေး၊ လုံခြုံရေးနဲ့ စာနာမှုဆိုင်ရာ အခြေအနေတွေ ဆိုးရွားလာတဲ့အပါ် အထူးစိုးရိမ်ကြောင်း အမေရိကန်၊ သြစတြေးလျ၊ ဂျပန် နဲ့ အိန္ဒိယနိုင်ငံတို့ပါဝင်တဲ့ QUAD အဖွဲ့က ဒီကနေ့ပဲ ပြောလိုက်ပါတယ်။
ဗင်နီဇွဲလားနိုင်ငံမှာ လက်ရှိသမ္မတ Nicolás Maduro အနိုင်ရကြောင်း ကြေညာခဲ့တဲ့ ရွေးကောက်ပွဲ ရလဒ်အပေါ် အမေရိကန်က အထူးစိုးရိမ်မိကြောင်း နိုင်ငံခြားရေးဝန်ကြီး Antony Blinken က ဒီနေ့ပဲ ပြောလိုက်ပါတယ်။
လူသိများ ကျော်ကြားတဲ့ YouTuber- Lily Hevesh ဟာ ဒိုမီနို (ခေါ်) ဒိုးဇက်ပြားတွေနဲ့ ဖန်တီးမှုနဲ့ ပရိသတ်ကို ဆွဲဆောင်လာတာ ၁၅ နှစ်တာ ရှိခဲ့ပါပြီ။ ပြီးခဲ့တဲ့ သီတင်းပတ်ကုန်ပိုင်းကတော့ ဝါရှင်တန် မြို့တော်မှာ ရှိတဲ့ National Building ပြတိုက်မှာ သူမရဲ့ ဧရာမရည်မှန်းချက်ကြီးတခုကို အကောင်အထည်ဖော်ခဲ့ပါတယ်။
မြန်မာစစ်ကောင်စီအတွက် လက်နက်ရောင်းဝယ်မှုကိစ္စနဲ့ပတ်သက်လို့ စိစစ်ဖို့ ထိုင်းဘဏ်တွေကို ကူညီမယ့်အလုပ်အဖွဲ့ အစီအစဥ်ကို ကုလသမဂ္ဂ မြန်မာနိုင်ငံဆိုင်ရာလူ့အခွင့်အရေး အထူးကိုယ်စားလှယ် Tom Andrews က ကြိုဆိုလိုက်တယ်လို့ ဗွီအိုအေကို ပြောပါတယ်။
နောက်ထပ်ကြည့်ရှုရန်
