ဘင်္ဂလားဒေ့ရှ်နိုင်ငံရောက် ရိုဟင်ဂျာတွေ နေရပ်ပြန်ရေး နှောင့်နှေး ကြန့်ကြာနေရတာဟာ လတ်တလော ကြုံနေရတဲ့ လက်နက်ကိုင် ပဋိပက္ခတွေကြောင့်လို့ မကြာခင် တာဝန်အဆုံးသတ်တော့မယ် မြန်မာသံအမတ်ကြီး ဦးအောင်ကျော်မိုးကို ကိုးကားပြီး ဘင်္ဂလားဒေ့ရှ်နိုင်ငံ အခြေစိုက် သတင်းတွေက ဖော်ပြပါတယ်။
အစ္စရေးဝန်ကြီးချုပ် Benjamin Netanyahu ၊ ကာကွယ်ရေးဝန်ကြီး Yoav Gallant ၊ ဂါဇာမှာရှိတဲ့ ဟာမတ်စ်အဖွဲ့ အကြီးအကဲ Yahya Sinwar နဲ့ အရာရှိတချို့ကို ဖမ်းဝရမ်းထုတ်ဖို့ စီစဉ်နေကြောင်း ICC နိုင်ငံတကာ ရာဇဝတ်ခုံရုံး အကြီးအကဲက ဒီကနေ့ မေလ ၂၀ ရက်နေ့မှာ ကြေညာချက် ထုတ်ပြန်လိုက်ပါတယ်။
ထိုင်ဝမ်ပြည်သူတွေရဲ့ ရွေးချယ်ခွင့်ကို အသိအမှတ်ပြုဖို့နဲ့ စစ်ရေး၊ နိုင်ငံရေးခြိမ်းခြောက်မှုတွေကို ရပ်တန့်ဖို့ ထိုင်ဝမ် သမ္မတ Lai Ching-te က ဒီကနေ့ တနင်္လာနေ့ ကျမ်းသစ္စာကျိန်ဆိုပွဲ အခမ်းအနားမှာ တရုတ်နိုင်ငံကို တောင်းဆိုလိုက်ပါတယ်။
အီရန်နိုင်ငံ အရှေ့အာဇာဘိုင်ဂျန်ပြည်နယ်ရှိ Varzaqan အနီးမှာ တနင်္ဂနွေနေ့ ရာသီဥတုဆိုးရွားနေချိန် ရဟတ်ယာဉ်ပျက်ကျပြီးနောက် ရှာဖွေကယ်ဆယ်ရေးတွေ ဒီကနေ့ အပျက်အဆီးတွေကို တွေ့ရှိခဲ့တာပါ။
ရခိုင်ပြည်နယ်အတွင်း အာရက္ခတပ်တော် AA အဖွဲ့နဲ့ စစ်ကောင်စီတပ်တွေအကြား တိုက်ပွဲတွေ ပြင်းထန်နေချိန်မှာပဲ လက်နက်ကိုင် ပဋိပက္ခနဲ့ အကြမ်းဖက်မှုတွေကြား လူတွေ အစုလိုက် အသတ်ခံရတဲ့ အဖြစ်မျိုးတွေ တကျော့ပြန် ပြန်ပေါ်လာမှာ စိုးရိမ် ထိတ်လန့်မိတဲ့အကြောင်း ကုလသမဂ္ဂလူ့အခွင့်အရေး မဟာမင်းကြီးက ကြေညာချက် ထုတ်ပြန်ပါတယ်။
အီရန်သမ္မတ Ebrahim Raisi နဲ့ နိုင်ငံခြားရေးဝန်ကြီး Hossein Amirabdollahian တို့ရဲ့ အလောင်းတွေကို နိုင်ငံမြောက်ပိုင်းက ရဟတ်ယာဉ်ပျက်ကျတဲ့ နေရာမှာ ဒီကနေ့ တွေ့ရှိခဲ့ကြောင်း နိုင်ငံပိုင်မီဒီယာမှာ ဖော်ပြလိုက်ပါတယ်။
ကချင်ပြည်နယ် လိုင်ဇာနဲ့ ဝိုင်းမော်အကြားက စစ်ကောင်စီတပ်စခန်း ၁၀ ခုထက်မနည်းကို ဒီသီတင်းပတ်ကုန်က ပူးပေါင်းတပ်တွေနဲ့အတူ တိုက်ခိုက် သိမ်းပိုက်လိုက်ကြောင်း KIA ကပြောပါတယ်။ တချိန်တည်းမှာပဲ ဝိုင်းမော်မြို့မှာ စစ်ရေးတင်းမာနေပြီး၊ ပူတာအို၊ မိုးမောက်၊ မံစီဘက်မှာလည်း တိုက်ပွဲတွေ ဆက်လက် ပြင်းထန်နေပါတယ်။
အမေရိကန်ပြည်ထောင်စု အနောက်အလယ်ပိုင်း Michigan ပြည်နယ် Detroit မြို့မှာ တရုတ်တန်း စည်ကားခဲ့ပါတယ်။ သမိုင်းဝင်တရုတ်တန်းရပ်ကွက် ပျောက်ကွယ်သွားပေမယ့် အဲဒီတုန်းကတည်းက ထင်ရှားခဲ့တဲ့ အရိုးလွတ်အယ်မွန်စေ့ကြက်ကြော်ဟင်းကတော့ နာမည်ကြီးနေဆဲပါ။
အမေရိကန် သမ္မတ ရွေးကောက်ပွဲမှာ မဲဆန္ဒရှင်တွေ အနေနဲ့ စာတိုက်ကနေ ပေးပို့ မဲထည့်တာ အပါအဝင် မဲထည့်ဖို့ နည်းလမ်းများစွာ ရှိပါတယ်။ စာတိုက်ကနေ တဆင့် မဲထည့်မှုကို ဒီမိုကရက် အများအပြားက လက်ခံ ယုံကြည်ထားကြပြီး ဒီနှစ်မှာတော့ ရီပါဘလစ်ကန်ပါတီ ခေါင်းဆောင်တွေကလည်း တိုက်တွန်းလာပါတယ်။
ဂါဇာဒေသထဲက ဟာမတ်စ်တို့ကိုသာ ပိုမိုပစ်မှတ်ထားတဲ့ စစ်ဆင်ရေးမျိုးပဲ လုပ်ဖို့ အမေရိကန်သမ္မတအိမ်ဖြူတော် နိုင်ငံတော်လုံခြုံရေးအကြံပေးJake Sullivan က အစ္စရေးလ် ဝန်ကြီးချုပ် Benjamin Netanyahu ကို တနင်္ဂနွေနေ့မှာ ဖိအားပေးပြောဆိုလိမ့်မယ်လို့ ခန့်မှန်းရပါတယ်။
အစ္စရေးလ်-ဟာမတ်စ်စစ်ပွဲကို ဆန့်ကျင်ကန့်ကွက်တဲ့ကျောင်းသားတွေရဲ့ အသံတွေကို ကြားသလို အကြမ်းမဖက်ဆန္ဒထုတ်ဖော်တာကို သူ့အနေနဲ့ထောက်ခံပါတယ်လို့ အမေရိကန်သမ္မတ ဂျိုးဘိုင်ဒန်က Morehouse College ဘွဲ့နှင်းသဘင်အခမ်းအနားကိုတက်ရောက်လာတဲ့ ကျောင်းသူကျောင်းသားတွေကို ပြောဆိုသွားပါတယ်။
အီရန်သမ္မတနဲ့ အခြားအဆင့်အမြင့်အရာရှိတွေ လိုက်ပါလာတဲ့ရဟတ်ယာဥ်ပျက်ကျသွားတဲ့ နိုင်ငံ့အနောက်မြောက်ပိုင်းမှာ တနင်္ဂနွေနေ့ညထိ ရှာဖွေရေးဆက်လုပ်နေကြတယ်လို့ အီရန်တာဝန်ရှိသူတွေက ပြောပါတယ်။ သမ္မတ Ebrahim Raisi ရဲ့ ကံကြမ္မာကိုတော့ ခုထိရေရေရာရာမသိရသေးပါဘူး။
ရာသီဥတု ပြောင်းလဲလာမှုအရေး တက်ကြွလှုပ်ရှားသူ(၆)ဦးဟာ စနေနေ့က ဂျာမနီနိုင်ငံ မြူးနစ်လေဆိပ် လုံခြုံရေး အကာအရံစည်းရိုးကို ဖောက်ထွင်းဝင်ရောက်ခဲ့ပြီး ပြေးလမ်းတွေကိုသွားတဲ့ လမ်းတွေပေါ်မှာ ထိုင်ပြီး ပိတ်ဆို့ခဲ့လို့ လေယာဉ်ခရီးစဉ်တွေ ယာယီပိတ်ခဲ့ရပါတယ်။
သီတင်း (၆)ပတ်ကြာ ကျင်းပနေတဲ့ အထွေထွေရွေးကောက်ပွဲနဲ့ တိုက်ဆိုင်ပြီး အိန္ဒိယနိုင်ငံမြောက်ပိုင်း အပူချိန်လွန်ကဲနေလို့ မဲဆန္ဒပေးသူတွေ ကျန်းမာရေးအန္တရာယ် ပိုရင်ဆိုင်လာရမှာကို ကျွမ်းကျင်သူ ပညာရှင်တွေက စိုးရိမ်နေတာဖြစ်ပါတယ်။
ကျင်ဟိုင်းပြည်နယ်ရဲ့ မြို့နယ် ၂ ခုမှာ H5 တုပ်ကွေးဖြစ်ပွါးမှု ၂၇၅ ခုရှိကြောင်း အတည်ပြုခဲ့တာဖြစ်ပြီး ဒီရောဂါပိုးကို သေဆုံးသွားတဲ့ ဇင်ယော်နဲ့ တခြား တောရိုင်းငှက်တွေမှာ တွေ့ရတယ်လို့ စိုက်ပျိုးရေးဝန်ကြီးဌာန website မှာ သတိပေးချက် ထုတ်ပြန်ထားတာပါ။
လာမယ့် ရက်သီတင်းပတ် (၃)ပတ်အတွင်းမှာ ဂါဇာစစ်ပွဲနဲ့ပတ်သက်ပြီး အစီအစဉ်သစ် မချမှတ်နိုင်ရင် အစ္စရေးနိုင်ငံရဲ့ အဖွဲ့ဝင်သုံးဦးပါ စစ်ဝန်ကြီးအဖွဲ့ကနေ နုတ်ထွက်မယ်လို့ မျှတတဲ့ နိုင်ငံရေးအမြင်ရှိသူတဦးဖြစ်တဲ့ Benny Gantz က စနေနေ့က ခြိမ်းခြောက်လိုက်ပါတယ်။
အာရက္ခတပ်တော် (AA)အနေနဲ့ ရခိုင်မှာ လူမျိုး၊ ဘာသာ မခွဲခြားဘဲ အားလုံးကို အကာအကွယ်ပေးသွားမှာ ဖြစ်တယ်လို့ AA စစ်ဦးစီးချုပ် ဗိုလ်ချုပ် ထွန်းမြတ်နိုင် Twan Mrat Naing က သူ့ရဲ့ လူမှုကွန်ရက် X စာမျက်နှာမှာ မေလ ၁၈ ရက် စနေနေ့က ပြောပါတယ်။
တရုတ်ပြည်မှာ ဒူးရင်းသီးဈေးကွက် အလျင်အမြန်ကြီးထွားလာနေပါတယ်။ ဒူးရင်းသီးတွေ ဈေးကျတယ်ဆိုပြီး မကြာသေးခင်က အင်တာနက်ပေါ်မှာ ပြောဆိုတာတွေလည်း ရှိလာပါတယ်။ လက်ရှိဈေးကွက်အပေါ် ဈေးသည်တွေက ဘာပြောနေကြပါသလဲ။ (လက်ရှိငွေဈေးက ၁ ယွမ်ကို မြန်မာငွေကျပ် ၅၆၀ ဝန်းကျင်ရှိနေပါတယ်။)
ဟားမတ်စ်တွေဝင် ရောက်တိုက်ခိုက်ပြီးနောက် အစ္စရေးရဲ့ ၇ လကြာ လက်တုံ့ပြန် တိုက်ခိုက်မှုကြောင့် အမျိုးသမီးနဲ့ကလေးငယ်တွေ အပါအဝင် ဂါဇာဒေသတွင်း သေဆုံးသူအရေအတွက်ဟာ ၃၅,၀၀၀ ကျော် သွားပြီလို့ ဂါဇာကျန်းမာရေးဌာန တာဝန်ရှိသူတွေက ပြောဆိုထားပါတယ်။ အစ္စရေးဓါးစာခံ၁၀၀ ကျော်လောက်ကို ဆက်လက် ဖမ်းဆီးထားဆဲလို့ ဆိုပါတယ်။
ဖမ်းဆီးခံထားတဲ့ စစ်တွေအခြေစိုက် ဖွံ့ဖြိုးတိုးတက်ရေးသတင်းဌာန Development Media Group DMG ရဲ့ သတင်းထောက် ကိုထက်အောင်ကို အာဏာသိမ်းစစ်ကောင်စီက အကြမ်းဖက်ပုဒ်မနဲ့ တရားစွဲဆိုထားတာဟာ အခြေအမြစ်မရှိ စွဲဆိုတာဖြစ်ပြီး ဒီစွပ်စွဲချက်ကို ပယ်ဖျက်ပေးဖို့ ICJ က မေလ ၁၆ ရက်နေ့တုန်းက တောင်းဆိုလိုက်ပါတယ်။
နောက်ထပ်ကြည့်ရှုရန်
